国内统一刊号:CN53-0013 德宏团结报社出版电话:2111017传真:2129594广告联系电话:2123901






2022年01月14日

Yinnan ming 2022zan jequi muzo shitbyvo jvo bigvo

Xi jiro, ming asuya jequi wap mai 2022zan jequi muzo shitbyvo jvo bi- gvo, quira aqing gi lvomo 1qap 1nyi mai 6qap 30nyi zhe shoq ga.

2022zan lvomo 12qap 31nyi hi ma, nganvung Yinnan ming ma anum nyi dvo byu eq zhongdoq wun e zanwut 18zan bo e yuqge zo wui banshoq bang jewang mying bogvat ra dut le. 2022 zan lvomo 12qap 31nyi hi ma, jewang mying agvat wu e zanwut 24zan ngaq e yuqge zowui ri jewang mying rau gvat ra dut le ga.

Jewang mying gvat e kun, 2022 zan ma wang ra ngvu ri ge dai le, hauzhang zanhi qam jewang mying gvat ra aqing gi xi jiro mai lvomo 2qap 10nyi 18qing zhe shoq; Zantang qam jewang mying gvat ra aqing gi xi jiro mai lvomo 8qap 10nyi 18qing shoq. Danggve 2022zan ma jewang ra ahen shi su gi “Jewang mying hi bogvat dvo mu, yvo mai wang ra ngvu ge gva le”. Hikun jewang mying gvat wu bang gi, mingdan gom jequi datbyvung ma pongwu lo lui, yvumsing gva qang dvo e gungshit lakmat bve lago zhepwu mai, kizan jewang ra mying ge gvat le.

Jewang mying sanghi gvat ri mingdan gom jequi datbyvung mai ge gvat le, Yinnan jequi wuixin gungzhunghau mai ri ge gvat le. Yinnan jequi wuixin gungzhunghau ma“Ngo mying gvat ra”ga dvong dvo gvo zhang ma tau mu,“Jewang mying gvat”ga e zhang ma dum tau, haumai“Mingdan gom jequi datbyvung”ma pongwang lui mying ge gvat be. Dum ngvutzhang, jequi mying gvat zhiwo yvang ma zhe e mu ri e ge gvat le. Sakram wui《Yuqge jewang mying gvat e laigva》bat toq mu, yvumsing e gungshit lakmat、paqzhvi lakmat eq nungtang ne gu e 1cun e datbung 2qap yu chung mu, mau myvuq wa jequi muwun wap ma zhepwu nvang mai, jewang mying ge gvat le.

Jewang jvo yuqge zowui hauzan le jewang mying abi gvat su eq jequi muwun zhiwo ma a e zhepwu nvang su ri gi, asuya rungwap eq ozvang Dangpung ma age bo nyi, je ri abyi wang. Jewang jvo yuqge zowui jewang mying gvat e u abo gvat gvut panghaq, angvut zhang jewang jvo yuqge zo ri je awang nvang gvut mu, jequi muzhep bang mai lago mvoqjvo wu ri ajo byi bang ri gi, dvira mai chup le. Asuya rungwap、shiwa moqpung、zhimu rungwap bve ma e bang, jewang jvo yuqge zowui ri jewang mying gvat qo lago daibvun jvo ra dut le.

(Lvuqsing Lanu)

--> 2022-01-14 5 5 德宏团结报载瓦 content_33029.html 1 Yinnan ming 2022zan jequi muzo shitbyvo jvo bigvo /enpproperty-->