国内统一刊号:CN53-0013 德宏团结报社出版电话:2111017传真:2129594广告联系电话:2123901






2022年01月14日

Mauyam zungging amu rvazui zuppong pong agvo

Lvomo 1qap 9nyi ri, Sakung mau wapdoq shuji, Mingmau mingdan zvang pongring zhvam zhiwo Dang gungwui shuji、Gonwuihui zhuren Jvang Shan, maugom maujvo zungging muzo pyairva toq ra. Yvang dai ri, Xi Jinpyin zhvungzui zau zvutmun nowum tangzui muzo、maujvo zungging muzo ma dvunshit e qo nik mai mvoqzui, Dang zhvung wapdoq、mingdan zhvung muzum wap eq ming wapdoq ming asuya mai pyaitoq e muzo lago zuisai lui zvutmun nowum tangzui muzo ma wo zui toq dvo e ongshi anum zuiging nyi ra le ga.

Jvang Shan dai ri, anvik zan mai xi gu, maugom atoq a-o bang myithui manghui gvut zvutmun nowum chom tangzui、Dang wapdoq asuya、je、mingbyu wui wum-o bobo maujvo chom zung lui maugom mingbyu sakgvang qo eq gungdu wangzan qo wo migum ge dvo be ga. Jvang Shan gi zvutmun nowum tangzui muzo eq maujvo gon- kang mu zuisai nyi bang ri imyit ungkau mai myigvum、ajvu bun gvat ra. Yvang dai ri, mingdan zhvung muzum wap amu chom tangzui mugon wap mai lo chowu ri myangtoq byi e amu lago liklai zuisai, ming wapdoq ming asuya midung nvikbo wui daitoq byi e amu lago zuisai, zvutmun nowum tangzui muzo、maujvo zungging muzo ma zui azhe shi e jo sai ho toq zuige gvut ra dut le. Likdik mu tangzui amu saizui ging, maujvo kau laidap bang ri tantan batzik e lo, gaming gamau byu ri gon- kang mu saizui ging, zunglvom tunglai sai zui kumzup gvut mingdan maumyi zungging ge, zvutmun nowum mingkau shut amyin wang qo amaq kam dvo ra le. Zvutmun nowum“gaming gamau mai amyin wang lo、yvumsing zhiwo mai ano toq、mingkau shut alvoq hang gvat”gvut e zuisai qo chang lui lago gonzui e lo, zvutmun nowum tangzui muzo eq sutgan pongshingra ringzhat muzo laqom za gvut zuisai e lo, mingbyu wui e nyiyap qo ri zhe hi ma gvat dvo gvut amu imyit ungkau mai zuisai e lo mu, maugom amyvu kangmo mingbyu wui ri nguingon e gonyen bvoi wang lai nvang ra le ga.

(Mangshang Langdving)

--> 2022-01-14 5 5 德宏团结报载瓦 content_32685.html 1 Mauyam zungging amu rvazui zuppong pong agvo /enpproperty-->