国内统一刊号:CN53-0013 德宏团结报社出版电话:2111017传真:2129594广告联系电话:2123901






2021年06月11日

Shanam hkai sha hpaji

(Shata 6 pro 9 ya na do)

14.Shanam na shingtai shingko hpe gara hku htang maja kau na?

Mayu e mu ga ai nam sha jahten shaza ai shingtai madung go, Miwa ga hku go Yi mi myin(玉米螟)nga ai shingtai ja- re. Shingtai hkalung ai ten hta go shanam matsun hkalung sha ra nna, shanam wahpun ro htoi kyip mat shing nrai do mat ma chye ai.

Mayu e go shanam yi hta shanam do hkrat mat ai mu jang, shingtai hku tam nna didiwui(敌敌畏)tsi 8% hpe hka htam 1000 hta gayau la nna, gat bun yang shingtai si mat ma lu ai. Dai hte rau shingtai adi di ai ten hta, dibechung(敌百虫)90% ko ahka htam 800~1000 bang nna gat bun yang, shingtai hkalung kro pru wa ai hta wa hkrup jang, alawan si mat lu nga ai.

15.Shanam hkalung, shanam ginsa hte nli galo na shanam hpe gara hku shu la na?

hkalung li-mi 10~20 daram gabu galu wa ai shaloi, sho la kau nna hkri sha shing nrai htang bang nna shanam pa re lusha galo sha yang grai mu la nga ai. Mayu e go mangai shang ai shong hpang hta rai yang mai ai.

Shanam ginsa go hkyen hkrat na shong e, shanam alap ni hpe garai n gashung hkra ai shaloi, chye shapro la nna, tsan sanseng kau nhtom ma- hkong ton jang rai sai.

Shanam nli la na rai jang go, shanam gai myi tu pru wa ai hpang, shanam a gaja sha rai jang go, shanam nli mai shatai sai. (Ngut sai)

(Gale ai Nhkum Bok)

Shanam hkai sha

--> 2021-06-11 4 4 德宏团结报景颇 content_25595.html 1 Shanam hkai sha hpaji /enpproperty-->