国内统一刊号:CN53-0013 德宏团结报社出版电话:2111017传真:2129594广告联系电话:2123901






2021年06月11日

Nhpa hpe htingwan sari jasat ngu a ta?

Htingwan sari ngu ai go alak mi re hpong shingra labau aten na lakung lama gata hta byin wa ai shing gyim masha a nga sat nga sa manot hte htingwan ko gapyon ai maram ai sari sadang rai nga ai. Ningnan ai htingwan sari sharong shangun na go htingwan hte seng ai sharin shapan magam mu lit rai nga ai. Gum- hpon na tsun ga nga yang“Tsora myit rong ai, dingman ai, rapra ai”ngu masha hte masha na sari sadang lai hpe masha hte htingwan lapran ko mung jai lang hkrat wa nhtom, htingwan sari shatai hkrat wa ra saga ai.

Htingwan sari hta hkan sa ra ai maka lam lahkong go: Langai rapra ra ai, dai go ginding ga nai ntsa na tu mi tu hkrung mi hkrung go n maza hkra n jahten hkra ai sha hkam hkam ja ja rai nna jom galu gaba wa na ahko ahkang lu ai. Lahkong go shada akyu shon ai hte rot zinghka na, dai go shinggyim masha yong mayong go htingwan hpe makop ra ai, ginding ga nai e nga ai ni yong go angon apyo rai nna jom galu gaba wa ra ai.

Htingwan sari ko na manot ginsot hpe lawu na mali ngu mai garan ton da ai: ①Myit tsu rai nna shinggyim masha ni htingwan hpe shaza ai lam sadi na, ladat sho nna makop maga hkat wa na.②Htingwan makop ai mu hpe myit tsu rai hkan galo nang ra ai, gaji gajo re ko nna hpang ra ai.③Jo gaja ai hku jai lang hkrat wa ai hte rau, manan ginra hpe makop ai hta n-ga, awai sha- ngun na hku galo hkrat wa ra ai.④Htingwan makop ai hpong shingra manot hpe madi shado, jahten sharun ai hpe jom manga.

--> 2021-06-11 4 4 德宏团结报景颇 content_25594.html 1 Nhpa hpe htingwan sari jasat ngu a ta? /enpproperty-->