国内统一刊号:CN53-0013 德宏团结报社出版电话:2111017传真:2129594广告联系电话:2123901






2021年06月11日

Hkyen bum na galang ——ZANG AMYU

, tu gala nga.

Galang e, pyen hkom yu su.

Shagong bum htingra ta pyo la ai,

ngai hpa rai n shangui shapyo na rai.

Zang amyu yungui ninghkring Zhai dan Joma a mahkon ndai hpe na jang, hkyen bum ntsa de du mat wa ai zon nga ai, dai shara hta, dam lada ai wadat shara, pu tsom nga ai nampan, tsomhtap ai tsingdu tsingman re ni tu jong nga ai. Dai shara go Zang amyu ni nga shanu ai ginra rai nga ai.

Zang amyu ni go labau galu nna magrau grang ai amyu ni re. Zang amyu ni masha jahpan wan kru sen lahkong mun matsat (6,280,000) du ma ai, madung go Sizang madu uphkang mungdo hte Zhinhai, Sichon, Yinnan, Kansu re mungdo gaba hkan mung nga shanu ma ai. Zhinzang shagong go panglai tso madang mida hkying

mali (4000) a lahta de du nga ai. Dai shara hta bom tsom maron dingren jong, hkyen bum lo, nbung nsa n lo re gashung lagyi ga rai nga ai. Zang amyu ni dai ga hta prat hte prat, lak hte lak nga pra lai wa nhtom, ningshon sho ai labau lara hte akyu nsi ni galo shapro lai wa masai.

Zang amyu a labau hpe grai sung tsan hkra sagon lu nga ai.

Htangchau prat hta, Sungzan Kanbu Sizang ginra hpe uphkang kau nna, “Htubo” ngu ai ahko ahkang go sharot ton nga ai. Sungzan Kanbu go hpaji kung nna myit sam ai masha langai mi re, shi go Htangchau ni a kunghpan hpaji hpe grai ra sharong ai majo, gasa dat nna num sa hpyi shangun u ai. Htang Htaizung hkohkam go hkohkam shayi Wunchin hpe ya sha nu ai. Sungzan Kanbu go shi nan masha tsomra mi woi nna daini na Zhinhai mungdo gata ko du hkra hkomhkam shayi Wunchin hpe sa tau la u ai hte rau, hkomhkam shayi jan rong na htingnu gaba langai gap ton ya rai u ai. Wunchin hkomhkam shayi Sizang ga du ai hpang, galo lu galo sha hpaji hte kung- hpan hpaji gun yu wa ai majo, Htubo hte Htangchau a lapran mahku mara lam grai ngang kang mat wa sai. Ndai go Zang amyu hte Miwa amyu lapran hta hkuhkau hkat ai mamui gaja langai mi rai nga ai.

Zang amyu ni go longhton longren bu hpun sharong ma ai. Num la yong kara hkri ton nga ai, la ni kara hkri la nna bo ko a- hkyen ton, num ni mung nkau go bo ko a- hkyen ton, bai ginra nkau hkan na num ni go kara hpe shingdu de hkri abya ton ma ai.

Zang amyu ni manam grai ra ma ai. Manam ni sa du yang, zanba, nga shan, Bainam shan, zhinhko tsa, suyu hpalap re ni hte manam hkap do ma ai, bai nna manam ni hpe Hada dubat hkap gali ya let manam hkap tau ma ai.

Lasa du yang, Buda la-kung ko ndu nmai nan re. Buda La-kung go hkik shingkang dik ai nta htingnu rai, bai nna Zang amyu ni dum nta gogap ai hpaji hpe shadan shaleng ai shara mung rai nga ai. Buda La-kung hpe tsan tsan ko nna yu dat yang, dum nta gahtap gala rai go sharot da nhtom, ja zon rai tu gabrim ai hpe mu mada nga ai.

Zang amyu go tinang a ga, laika hte laili laika kunghpan hpaji nhtong lu ma ai. “Gesa-a hkohkam laika” ngu ai go mying gumhkong ai labau jaiwa ga rai nna, Zang amyu ni a matu gumrong hpa lam rai nga malu ai. Ya daini “Hkyen bum " ngu ai shingteng amying lu ai Zang amyu ni go, shahte a atsam marai, nyan hpaji hte shahte amyu a labau nnan hpe ka shalat sa wa nga ma ai.

Hkyen bum na galang

--> 2021-06-11 4 4 德宏团结报景颇 content_25593.html 1 Hkyen bum na galang ——ZANG AMYU /enpproperty-->