国内统一刊号:CN53-0013 德宏团结报社出版电话:2111017传真:2129594广告联系电话:2123901






2021年06月11日

Jaihka ana ganu htang maja hpaji

go jaihka ana ganu ko nna byin wa ai machyi ana myu mi re, ma- dung go jigrong gawa hkra nna hkron kap wa ai re, machyi nau n song ai ni go, 2-7 ya ko mai lu nga ai.

Jaihka ana ganu shakap ai jigrong hpe go Yi wun jigrong(伊蚊)nga ma ai, shi go jaihka ana shakap ai ana ganu re hta n-ga, Dengere(登革热), Kyihkunghkin-yare(基孔肯雅热) hte Hongre(黄热) ana hkron shakap ai ana npot mung rai nga ai.

Hkron shakap ai npot

Masha hpe go jigrong gawa hkra nna jaihka ana shakap la ai re.Masha hte masha shakap la hkat ai go nau n mu yu nga ai, ya mu ga ai hkron shakap mahkrun ni go: 1. Ma hkum ganu ni gasha hpe shakap ya, gade daram shakap wa ai npot go n chye lu shi nga ai. Ma shangai dat ai laman hta ma chyangai hpe shakap ya ai re kun. Ya ten hta chyu chyu ai hku shakap hkat ai n mu ai. 2. Sai hku shakap ya. Sai hku nna shakap ya ai ya du yang machyi masha 1 hpe mu ai. 3. Num la shakap hkat ai. Jai- hka ana go la ni num ni hpe shakap ya ai nga yu ai, rai yang num ni la ni hpe shakap ya ai go n nga yu nga ai.

Machyi kumla madung

Jaihka ana ganu kap sai jigrong hte gawa hkra sai ni go gade ya (3-12 ya daram) hta, masha htam 1/5 ni go, gahtet, hkum shan hpyi aron, nrut nra lamyi laman ni makret machyi re kumla ni byin sai, nkau go myi sapsanap bong machyi wa, myi htumpa machyi, madon re kumla pru nga ai, machyi kumla nau n laja ai ni go, aten 2-7 ya a hpang e mai mat lu nga ai.

Htang ladat

Jaihka ana ganu maja na ladat gaja go jigrong gawa hkra na hpe htang maja kau ra ai. Dai hta lai nna, ya ten hta jaihka ana go num la shada kap hkat ai lam mung sumru shapro sai majo, hkum na machyi ana hkrak n mai lu shi yang go anum ala bungli n mai galo ai, shing nrai galo ai shaloi koigam laro lang kau ra ai. Dai rai yang ya ten hta ala ni a mayat ntsin hta machyi ana ganu ndai ni aten gade ya hkrung lu ai hpe mung n chye nga ai, dai majo jaihka ana ganu kap sai ni anum ala bungli koi gam na aten gade ya rai ra ai hpe n chye lu nga ai. (Gale ai Nhkum Bok)

Jaihka ana ganu htang maja

--> 2021-06-11 4 4 德宏团结报景颇 content_25591.html 1 Jaihka ana ganu htang maja hpaji /enpproperty-->