国内统一刊号:CN53-0013 德宏团结报社出版电话:2111017传真:2129594广告联系电话:2123901






2021年06月11日

Mungdo rapdo dinggrin lit gun salang rapdo ni zuphpong hpo hpong ma ai

Madu dap shiga Shata 6 pro 7 ya shani, mungdo , Zuphpong woi ai go mungdo rapdo mu madu, Shuili mungdan ahkyak madung hpo galo chyam dinglik lok pati rapdo mu madu, gonhkang rapdo mu madu Kyang Shan re.

Zuphpong hta ndai lapran dinghkung mu madu Si Gyin Hpyin tsun ai ahkyak madung mungga majing, ahkyak mungdung matsun ga re ni woi sharin hkam la sai. Zuphpong hta matsun madun dat ai, myit jasat hte galo hkom sa ai sat lawat hpe ding hkung mu madu Si Gyin Hpyin labau kung hpan hpaji nhtong sut rai makop maga na matu matsun dat ai mungga majing ko hkan sa let, pati rapdo ko nna woi-on, asuya ni lit la, rung dap hkan na ni sa hparan lajang, shingra jut shingno shagu hkan na ni madi shado garum shingtau lom re gata hta, labau kunghpan hpaji nhtong sut makop maga hkrang san ton rai, labau kunghpan hpaji nhtong sut hpe buhkom magam mu sharot zinghka hkrat wa ai hte gapyon nna galo ra ai, bai labau kunghpan hpaji nhtong sut ja- hten sharun ai ni hpe aja awa gasat manga ra ai. Ningbo ningla tai nga ai ni n-gun atsam woi gahkyin nna anhte mungdo na labau kunghpan hpaji nhtong sut makop maga magam mu lashum shut rai galo ra ai nga ai.

Zuphpong hta bungjat tsun ai, ding hkung mu madu Si Gyin Hpyin mungkan hkamja wunli makop ningbo ningla zup- hpong hta tsun ai ahkyak mungga majing a- tsom sharin hka ja la ra ai, mungchying sha ni a si hkrung si htan lam hpe dingyang n htung dat nna, “Jarit shinggan de nna hkron shang wa na hpe maja, mungdan gata ko bai mong bra wa na sadi” rai ra ai nga nna lajin dat ai ga ko hkan nna, ana htang maja magam mu du du galo ra ai, ana htang tsi htu na lam lawan htu satsong hkrat wa let, mung shawa hkamja wunli makop hkrang hkum tsup hkra shading sharai maden zinghka hkrat wa ra ai, ana zinli htang maja magam mu hte hpong shingra sutgan sharot zinghka magam hpe htep lahti rai galo nna, Sak hkung na hkamja wunli makop magam mu aja awa go maden hkrat wa ra ai nga ai.

Zuphpong hta bungjat tsun ai, ding hkung mu madu Si Gyin Hpyin hpaji rung lahkong sara ninghkrung zuphpong hte Miwa mung logadat hpaji bongban rapdo nambat 10 lang mungdan gasa zuphpong hta tsun ai mungga majing sharin hkam la nna, galang bai galo hpang wa ai logadat gumlan hte magam yi-ngam gram sharai gumlan hpe manoi manat let, logadat hpaji hkrang hpe grau akyu jashon lu hkra gram sharai, magam mu ningnan shalat hkrang grau htuk hkra sharai la, shatang du madang tso ai magam mu ningnan shalat na shara go maden ton, hpaji sharin shalat na lam hta n-gun atsam dat rai, hpaji chye ai masha aja awa shalat ton ra ai nga ai.

Zuphpong hta matsun madun dat ai, ginjo ko nna asak gaba sai ni hpe lanu lahku na hte seng nna hprai hparan ai lam du du galo nhtom, hpong shingra ama hkam hkrang hte gumgai dingla lanu lahku akyu htam hkrang jahtuk ton ra ai, gumgai dingla ni hpe ahkum anum ngu bau lahku ra ai, num won num la htung lai ningnan woi lang let, masha jahpan hte shadon sharam sha- ngai shaprat magam mu du du galo nna, shangai shaprat akyu htam bungli hpe madang tso ai hku galo ra ai nga ai.

Zuphpong hta mungdo ginwang (Myu) shagu na ni ana zinli htang maja magam mu galo ai masa lam shon shana ai madat mara la ma ai. Zuphpong hta bungjat tsun ai, ya ten hta, ana zinli htang maja na bungli go, ma- dung dik ai bungli gaba langai mi re. Lang ai ladat jo ra ai, galo ai bungli kangka ra ai, n-gun mi alu rai myu mare gat lok gon hkang ra ai, maigan masha ni hpe gonhkang ai lam hta atsam dat ra ai, jarit mayan hta sin makop nga ai magam gun masha ni hpe mung n-gun jo ra ai. Hkying ten shagu tara hkan sa let, tsang shagu na mu madu ni lit la nna, jarit mayan hta manghkang n nga hkra sin makop ra ai nga ai.

Zuphpong hta 《2020 ning hta anhte mungdo na jasat jasa hkrang hte seng ai shana bara》 jom dup sumru yu ma ai. Zuphpong hta bungjat tsun ai, jasat jasa hkrang magam mu hpe atsom galo du ra ai lam hpe yong myit dum ra ai hte rau, lit la nna du du galo ra ai nga ai.

rapdo dinggrin lit gun salang rapdo ni zuphpong hpo hpong ma ai

--> 2021-06-11 4 4 德宏团结报景颇 content_25587.html 1 Mungdo rapdo dinggrin lit gun salang rapdo ni zuphpong hpo hpong ma ai /enpproperty-->