国内统一刊号:CN53-0013 德宏团结报社出版电话:2111017传真:2129594广告联系电话:2123901






2021年02月03日

Simai ntsin wan mi a ningra ai lam

Nshung lado hta go gahtet hpoi hpoi nga simai nan lom ra nga ai, gahtet ai simai ntsin go gaja ai, raitim simai ntsin lu ai ladat nhtuk jang go manghkang wa chye nga ai. Ya lawu de Tungnan dakkasu jong na tsi sara gaba Kyin Hui wa anhte hpe gahtet ai simai hta ai manga tsun sanglang dan na re.

Bo hpan a ningra lam. ntsin gahtet wan mi lu bang dat ai shaloi go grai nga pyo na re, raitim anhte simai ntsin gata hta rong lom ai bo hpan ni hpe yu jang,simai ntsin wan mi hta go, htam 99% go hka hkrai rai nga ai, bai htam 1% go sau, tanbeji hte hkangwuji loi mi rong lom nga ai, dai majo simai wan mi hte sha go hkum de wa ai lusha ma hkra n hkum nga ai.Simai ntsin lu ai shaloi lani mi laman hta masum lang lu nna,lusha ni mung jahtuk sha chye ra ai.

Gahtet gatsi shadang a ningra lam. Sok sagon ai hta chye lu ai, mayu e gahtet shadang loi tso ai lusha dingyang sha yang,n-gup among, pasang among re ana ni ok loi nga ai. Dai majo gahtet gasti shadang 60℃ daram ko rai yang hkrak dik sai, ma gasha ni sha na rai yang go loi no mai shagrit kau ai.

Ahkying aten a ningra lam. Nra simai shamyo ai shaloi masha lo malo ni go shamyo ai ten grau na yang grau gaja ai nga ma ai. Raitim nau na hkra shamyo jang go namchyim shadang shayom kau chye nga ai hta n-ga,simai ntsin hta hpaulin hte jifang mung lo jat wa nga ai. Nau lu dinglai jang gaujishejing (高脂血症)gau-nyaushejing (高尿血症)shing nrai salum bonu sai lam pat ana re ni ok loi wa ai. Dai majo namlap simai hte panglai shan rai ni shadu sha jang go, manit 30 a lawu de shadu jang rai sai, nra shamyo,shan shamyo rai jang go yu nna aten ramdo hku shadu jang rai sai.

Zolau a ningra lam. Simai ntsin shadu ai shaloi jum gaji mi bang yang namshum grau rong nga ai, lo wa bai bang jang go,asai chye tso wa nna, sai tso ana, salum bonu sai lam pat ana re ni sha-ok wa nga ai.

Asat a ningra lam. Shat sha na shong e ntsin lu yang go hkru loi nga ai,raitim nau lu lawan jang go hkrit hpa rai nga ai,aten gadun ai ko sha hka grai lo hkra kan e shang ai hpang, rin shamyit jak ntsin de wa-hkye hkra chye nga ai hta n-ga, ntsin hkru ai gintan kumla go bonu e shana ai loi hpang hkrat wa ai majo, lu sha sha ai shaloi asat sharam nna sha ra ai, dai shaloi lusha rim jak hta mung akyu grai gaja nga ai.Simai ntsin lu yang loi gau-ngui nna lu ga ngu shon shana dat ai hta n-ga sharam nna wan mi lu jang rai sai.

(Gale ai Labang Bok Mai)

Simai ntsin wan mi a ningra ai lam

--> 2021-02-03 4 4 德宏团结报景颇 content_19038.html 1 Simai ntsin wan mi a ningra ai lam /enpproperty-->