国内统一刊号:CN53-0013 德宏团结报社出版电话:2111017传真:2129594广告联系电话:2123901






2021年02月03日

CHYINGHKAI NU A LIT

1

Chyinghkai nu ngu ai shingteng amying ngai lu ni ai.

Chyinghkai nu,

Aga! Gaya na zon she no nga ai wa!

Ngai a hkon ram prat pyi rai n wai ai zon she nga yang,

Chyinghkai nu wa atai mat nngai go!

Shoi! Hpa gaya na lo e,

Ngai a lahpyen na ngai sha hpe bau lahku na go ngai a lit rai mat sai!

2

Ma, ngai sha e,

Oh!

Ngai sha ga rai n chye tsun shaga ai majo,

Ngai shaga ai rai n chye htan nga ai.

Raitim, ngai sha re majo,

Ngai shaga n lagon nngai.

Ngai sha chye manyi, chye hkom, chye kagat wa na hpe ngai marit nga ni ai.

Oh, mungkan ntsa na chyinghkai nu ngu ai ni amyit go la n dot chye la nga ga hka!

3

Goi lo ngai sha.

Ngai sha hkum n pyo sai.

Tsi rung de lawan woi sa ra sai!

Goi lo goi lo.

Ngai myit she lo si wa ni ai!

Tsi rung sa woi du yang she,

Gatsi lot nna awo shang ai re,

Hpa myit n pu ra ai nga,

Shaloi she ngai a myit zim lu ni ai.

Rai yang, ma hpe gasti majoi shalot shangun ai go,

Ngai ganu a lit re nga nna mung tsomra daru kau ma ai.

4

Ngai sha,

Ngai sha go shaga aga hkrang,

Hkom chyai asat dang sai.

Shingrai tsun shaga aga wa n to,

Gasup ai lago lata lo nga sai.

Chyinghkai nu ngai galang lang go amyit wa bai rot,

Masin wa bai pot mayu nga ni ai:

Ma e, nang go nu hpe aput apai nga chyu shaga,

Sharu shatsang na chyu ra la ndai!

5

Ngai sha galu gaba,

Amyit marai mung n gata sai.

Chyinghkai nu ngai amyit masin wa gabu,

Arong gaba wa lu ni ai.

Ngai sha sat sa lahkam htot,

Mungkan hpaji madang mung rot sai.

Chyinghkai nu ngai a lit ya ma.

Magam daini hpra sai ngu myit dik ni ai.

6

Rai yang,

Ngai Sha go,

Nu a lit rai n ma,

Magam rai n hpra ai chyu nga:

Nu a ma ngai hpaji n dang,

Amyit n kang na lam hta nu lit no gun,

Lam no madun ra ai da.

7

Chyinghkai nu a lit,

Nu a ma hpe bau lahku na lit.

Chyinghkai nu a lit,

Ma a ga mung madat ra ai lit!

N.LaHkum

Htang nya si hta ai num gasha yan. (Dem ai:Nhkum Ma Chin)

--> 2021-02-03 4 4 德宏团结报景颇 content_19037.html 1 CHYINGHKAI NU A LIT /enpproperty-->