国内统一刊号:CN53-0013 德宏团结报社出版电话:2111017传真:2129594广告联系电话:2123901






2021年02月03日

Yinnan mungdo gaba ningdo 13 mungchying sha gasa zuphpong gaba nambat 4 lang zuphpong Hkunmyin hpo hpong ngut sai

Madu dap shiga Shata 1 nhtoi 29 ya shana de, Yinnan mungdo gaba ningdo 13 mungchying sha gasa zuphpong gaba nambat 4 lang zuphpong Hkunmyin ko ongdang ai hte hpo hpong ngut sai.

Ndai lang na zuphpong hta sa du dung ra ai gasa 622 rai yang, zuphpong hta du dung ai gasa go 602 re, anhte mungdo na gasa 19 zuphpong wa du lom ma ai, masat ton ai tara shang masha jahpan hte htuk hko sai.

Mungdo gaba rapdo mu madu, mungdo gaba mungchying sha gasa zuphpong gaba dinggrin rapdo hpong mu madu, woi on tingnyang up Ron Chin Fa zuphpong hta aju jum u ai.

Mungdo gaba pati rapdo mu madu ningtau, mungbo gaba up Wang Yi Po, mungdan mungchying sha gasa zuphpong gaba amyu rapdo hpong mu madu ningtau Chin Hau, mungdo gaba mung masa bongban rapdo hpong tingnyang up Li Gyang ni tingnyang up pinra hta sa du dung ma ai.

Zuphpong hta Yinnan mungdo gaba ningdo 13 mungchying sha gasa zuphpong gaba nambat 4 lang zuphpong Yinnan mungdo gaba mungchying sha asuya mu htam tang shon laika, Yinnan mungdo gaba mungdan mungchying sha sutgan hte hpong shingra majan zinghka nambat 14 lang 5 ning yo sing hte 2035 ning bandung masing dodan lam ni myit hkrum da sai.

Ron Chin Fa tsun ai, ndai lang na zuphpong go gasa hte zuphpong hta sa shang lom ai gasa ni yong jom shakut ai gata hta, zuphpong ongdang ai hte hpo hpong lu sai. Ningnan hkom sa wa ai lado hta, teng tup mung masa lam yan tsun ra ai, myit tsu rai makop maga 2 galo du, Si Gyin Hpyin a prat lak nnan na Miwa mung lak nsam rong ai hpong shingra masa myit jasat sharin htai chye lam ko n-gun dat ra ai. Teng tup ding hku mu madu Si Gyin Hpyin a mungga matsing gun rai, tot lai majan zinghka sa wa na hku shakut, Miwa mung yupmang na Yinnan magam bungli hpe galo gaja ra ai. Tengtup sungchyung ai hku nna majan zinghka myit jasat shatup hkrat wa, ginjang nnan, masa gaja nnan, madang tso ai majan zinghka lam htu sit hkrat wa ra ai, mu lam shagu htu sit hkrat wa, tsang hte tsang na lit mara gun hpai hkrat wa, pati a shawa lam yan hkom gaja nna, gaba dik ai n-gun gahkyin hkrat wa ra ai nga ai.

--> 2021-02-03 4 4 德宏团结报景颇 content_19036.html 1 /enpproperty-->