国内统一刊号:CN53-0013 德宏团结报社出版电话:2111017传真:2129594广告联系电话:2123901






2021年02月03日

Yinnan mungdo gaba mung masa bongban rapdo ningdo 12 nambat 4 lang zuphpong Hkunmyin ko hpo hpong ngut sai

Madu dap shiga Shata 1 nhtoi 28 ya shana de, Miwa mung mungchying sha mung masa bongban rapdo Yinnan mungdo gaba Ningdo 12 nambat 4 lang zuphpong Hkunmyin ko ongdang ai hte hpo hpong ngut sai. Zuphpong hta madun shapro ai, tengtup myit rum Si Gyin Hpyin hpe kri madung shatai ai pati ginjo makau de myit hkrum sa wa ra ai nga ai.

Zuphpong woion tingnyang up Li Gyang, Yang Gya Wu, Hong Yi, Gau Fung, Yi Ding Chin, Dung Hua, Chin Yi Hu, Si Byin, He Bo, Htung Ji Yin, Jang Rung Myin ni rai ma ai. Li Gyang zuphpong hta aju jum u ai.

Suthpom pati Yinnan mungdo gaba rapdo mu madu Ron Chin Fa, mungdo gaba rapdo mu madu ningtau, mungdo gaba up malai Yi Bo, mungdan mung masa bongban dap amyu hte makam masham gon rapdo mu madu ningtau Lo Jin Fu ni zuphpong hta sa du dung ma ai. Ndai lang na zuphpong hta sa du ra ai rapdo salang go 607 re rai yang, hkrak sa du ai go 541 rai nga ai, masat ton ai tara shang masha jahpan hte htuk hko sai.

Li Gyang madun shapro ai, daining go Miwa mung suthpom pati go sharot ai tsa ning du sai, 14 lang 5 ning yo sing ten, lam shagu hku nna hpong shingra masa prat lak nnan masa nga ai mungdan go gap ai nambat 1 shaning mung rai nga ai, daining na mung masa bongban rapdo na bungli galo ja ai go ahkyak lachyum rong nga ai, labau lit mara hkik hkam nga ai. Mungdo gaba ting tsang shagu na mung masa bongban rapdo hte lo htam ai mung masa bongban rapdo salang ni Miwa mung suthpom pati ginjo Yinnan mungdo gaba rapdo ni grengja woi on ai gata hta, matut nna dinghkung mu madu Si Gyin Hpyin Yinnan ga sa jep maram hkom ai shaloi tsun ai mungga atsam sungchyung sharin htai la, myit masa lam yan 4 jat shaja, madu kam hpa lam yan 4 shagreng, makop maga 2 galo gaja rai, mung masa bongban rapdo lam shagu na bungli galo gaja ra ai nga ai.

--> 2021-02-03 4 4 德宏团结报景颇 content_19034.html 1 /enpproperty-->