国内统一刊号:CN53-0013 德宏团结报社出版电话:2111017传真:2129594广告联系电话:2123901






2021年02月03日

Mung htingrep ga na mung shawa masha ni a matu sut su ninghpang ya ai Ho Ban Ring

Mangshi Jahpng gat mare Ga chyung mare Hpalon gahtong na Ho Ban Ring go bungli galo kyet ai Jinghpo la langai rai nga ai, shan hte gahtong ko bum Wa rem dap hpo da nna gahtong masha ni hpe Wa rem nna sut su lam woi hkom nga ai. 2019 ning hta go Mangshi matsan ru yak madi shado woi on rung ko nna “Sut su ningshong masha”ngu lata masat da ai hkrum nga ai.

Bum Wa go Jinghpo myu sha ni yo ai Wa rai jahkai myu mi rai nga ai, bum gahtong ko dat rem ai bo Wa myu hpan rai nna bum Wa ngu shamying nga ai.Wa hpan ndai bo go hkum gaji nna gaba htum (kyin)latsa daram sha du nga ai. Wa ndai bo lo malong go Wa ju shan galo sha yang kaga lai shum mu nga ai, dut sha pyo ai majo, Ho Ban Ring go gahtong na Wa gasha hkan mari lahkon la nna rem dut sha nga ai, shi ndai hku galo ai akyu go mare masha ni Wa dut sha myit n pu ra ai sha nrai nta ko la nga nna gumhpro mung no lu tam la nga ai. 2019 ning jahtum do hta gahtong ko “Bum Wa rem hpung”hpo da nna makau grup yin hkan na kun dinghku ruyak ai shawa masha ni hpe manu po po hte Wa gasha hkan gam rem gaba shangun nna dut sha ram jang hkan mari lahkon la nga ai.

Ho Ban Ring ning nga tsun dan ai, la ma wa hkrung sha dut sha yang go gumhpro gade n lu tam ai, ladat amyu myu sho nna dut sha yang sha mai byin ai, ndai hku woi galo yang mare masha ni gum- hpro lu tam sha ai majo, yong mayong Wa yo kam wa masai, anhte dap ni go shawa masha ni hpe Wa ganu gam garan ya nna yo sha- ngun, Wa gasha yo kam ai ni hpe Wa gasha yo shangun rai ga ai nga ai.

Npot hpang ton lu jang go mare masha ni myit n-gun grai lu ai, bum Wa dut sha lam mung hpa n myit tsang ra ai. 2020 ning hta wa rem dap ni matsan ru yak htinggo, yu maya htinggo 49 ni hte Wa yo gadi asen htu da nga ai, laning mi hta Wa 900 jan lu dut shapro, gumhpro manu sen 9 daram du hkra, htinggo mi gumhpro 18,000 daram lu tam na hku woi galo nga ai.

Li Zhung Di tsun dan ai, anhte nta ni Wa ndai bo yo nna ding- hku grai nga pyo mat wa saga ai nga ai.

Jahpang Hopyen jai mare Kongsa gahtong na Yang Shau San tsun dan ai, Ho Ban Ring anhte hpe wa ndai bo yo shangun ai lam grai gaja ai, anhte nta ni masum ning yo saga ai, Wa ana hpa hpa n nga ai, langa hpun dan la nna shadu jo ga ai, ya anhte nta ni Wa ganu manga yo ga ai, Wa gasha go mali manga shi du ai, gumhpro mung mu tam ai, shi hpe grai chyeju dum ga ai nga ai.

Ho Ban Ring tsun dan ai, hpang de mung hkrang grau gaba ai hku woi galo nna Wa grau hkra rem sa wa na hku myit shada nga nngai nga ai.

--> 2021-02-03 4 4 德宏团结报景颇 content_19033.html 1 Mung htingrep ga na mung shawa masha ni a matu sut su ninghpang ya ai Ho Ban Ring /enpproperty-->