Jahkrai ma a nra nchyun Darat Brang Lon a majoi gamung

( Shata 8 nhtoi 27 ya na do )
Majoi gamung ngu nna
Jahta yu yang
Chyali lat jahkrai maga
Gadai ntsap
Sut gata brang hpang
Gadai nkap ai yo
Goi... i...
Ntsom la ai sumtso maka
Nhtap la ai sumra masa hpe
Shagroi hte grit nga hkra maron
Ladi nchyun hkri hkra
N ra mahkon hkon tim
Wora Chyangngau tang Ula hta
Lai nna
Goi....i...
Gadai mung nmadai
Gajai mung n-gajai
Lom ma ai lo
Goi...i..ye
Marit ya mi nzim
Shingran chyu chyu
Htim ai yo we
Shingni hta ra ra
Manong ninghpa
Dat dam shakya yu tim
Hkonzi hkonzet ni mi nhtan
Ganam do ai mi
Gadai nhtan ai wa le i
Yu yu sumra dat yang
Lata kau na gadai nlom
Gintan shaga dat yang
Yong go tom tom wa i
Aten ndai hta
Goi ...yi...
Darat Brang Lon hpe
Nra nra chyu hkum rai yo
Htom hpang de go
Singgun brangla hpe
Nja nja rai na lu yo
Darat Brang Lon hpe nmyit ai
Jahkrai brang hpe hkrit dai
Shayi chyinghkon ni e
Ma Hkon na htaplap
Ma Lu jap-nap ni e
Ma Roi shingshap
Ma Htu napmap e
Ma Kai donda
Ma Hka wam wa ni e
Jahkrai ma shingtai go yo
Le ja gu dung nta e she
Wa nga nga na sangai yo
Amyit hkon ai shayi hpe she
La nga na lo
Amyit hkon ai ganam hpe
Myit mada sana yo
       ( Ngut sai )