Mu a gasha yan a lam

Amoi Hpunggam Chyanun shangai,
Majan Woishun zinghkai yang:
Pon yang gayun ai mi nga,
Ba yang gumtsun ai mi pra.
Pon yang nmai ai mi nga,
Ba yang nmai ai mi pra.
Hpa re ta nga,
Hpan Galai Chye Ningtai yan e,
Wunchyen amying shamying,
Noigong magyep shading yang:
Ndai go Hpunggam mali re lo,
Ningmai Hpunggam re lo.
Lamu Hpunba re lo,
Gaang Sinwa re lo.
Mating Hka-deng re,
Sinwa Hka-seng re.
Mating Hka-ra re,
Sinwa Hka-mai re.
Hpunggam Mali Lung na,
Ningmai Hpunggam wa dung na,
Kridung Madung mi nga sai,
Na joi Hpunhpang mi da sai.
Kridung Madung e wa ing sit,
Majoi Hpungbang wa dung sit.
Kridung Madung wa ing sit,
Majoi Hpunbang e wa hpring sit.
Amoi Hpunggam Chyanun shangai,
Majan Woishun zinghkai yang:
Hpa re ta nga,
Hpan galai Chye Ningtai yan e,
Wunchyen amying shamying,
Noigong magyep shading Yang:
Ndai go Asut Nhkying,
Agan Wan Numchying re.
Amoi Hpunggam Chyanun shangai,
Majan Woishun zinghkai yang:
Shangai Marong ai mi nga,
Zinghkai jahpong ai mi pra.
Hpa re ta nga,
         ( Ya na lang bai matut hti )