Miwa mung  lamu marang maram dap up ningtau

Wang Shu Rung Sakhkung ko sa du gawan u ai

Madu dap shiga Miwa mung lamu marang maram dap up ningtau Wang Shu Rung re ni go  shata 9 nhtoi 15 ya ko nna 17 ya shani du Sakhkung mungdo lamu marang maram dap na ganbu mu htam masha ni hpe sa gawan ma ai. Mungdo gaba lamu marang maram dap na ningbo Din Fung Yu, mungdo up ningtau Pan Ai Go re ni mung hkan shingnan nang ma ai.
Wang Shu Rung re ni go shong hpang rai mungdo lamu marang maram dap hte Lusi, Lengho, Yinkyang, Nshon, Shuili re ginwang (Myu) na lamu marang maram dap hkan sa du gawan nna, ganbu mu htam masha ni hte ako alo rai jom dung jahta chyai nhtom, anhte mungdo na nnangnon tsin-yam hkye hkrang lam ni madat mara la ma ai.  Shuili myu ko, Wang Shu Rung go myu lamu marang maram dap na ganbu mu htam masha ni hte dung jahta nna, shanhte a ruyak lam ni hparan lajang, madi shado ya na nga  nna tsun shadan dan u ai.
Wang Shu Rung go Sakhkung lamu marang maram dap ni agajong sha byin wa ai nnangnon tsin-yam hte seng nna, galo sa wa ai akyu yi-ngam ni hpe manu mana shagrau shateng ya ai hta n-ga, nnangnon tsin-yam hta akyu dingyang htam sa wa na matu, tsin-yam hpang na gogap lam ni hte seng nna hpyi lajin dat ai: Logadat rot zinghka myit jasat hte, Miwa mung lamu marang maram dap hte buga pati rapdo, asuya a rot zinghka zai ladat ko hkan nna, ahkrang masing masum hpe alit madung shatai rai, Sakhkung na lamu marang maram dap ni a magam hpe lahkam gaba ai hku nna zinghka hkrat wa na. Nnangnon hpang na go maden lam ni shagrang sa wa, bai gogap na ladat do masat, yo shada lam ni galo shatup rai nna, gogap lam hpe lawan ladan rai galo sa wa na. Prat dep ai lamu marang maram hpaji magam hte woi ningshong nna, ahkrang masing masum go maden lam hpe htu sit sa wa na.
Wang Shu Rung re ni go Sakhkung lawu tsang hkan  na lamu marang maram dap ni hpe gawan gumhpro sen 1.8 jo nhtom, tsora lanu myit shadan shapro ma ai majo, anhte mungdo lamu marang maram dap na ganbu mu htam masha ni tsin-yam hpang na go gap lam ni galo sa wa na n-gun grau  lu masai.