Wandin jakmu hpaga gon dap ran dap ni

“Sanlu” nga chyu shadung jep lajang mu galo nga ai

Madu dap shiga Ndai lapran, Wandin jakmu hpaga  gon dap ran dap ni lawan ladan rai, madu gon  ai shara hta na myu magup re lu sha dut seng, hkum sum hpa dut seng, gat ya re ni hta “Sanlu” nga  chyu  shadung jep lajang mu galo hkrat wa sai.
Tara hkan jep shatup masha ni madu gon ang ai gat ya, hkum sumhpa dut seng, lu sha dut shara ni ko madung shatai nna “Sanlu” nga  chyu shadung hte mungdan gaja shatang gon dap gaba ni shana shabra ai sutgan magam dap 22 ni a 69 lang gaja shatang ndu ai nga chyu shadung  ni hpe langai hte langai rai jep hkrat wa masai.
Shata 9 nhtoi 18 ya shani du yang, dap ran dap ni lusha dut seng 92, hkumhpa dut seng 3, gat ya 3 ko sa jep yu masai, ya yang Wandin ko “Sanlu” nga chyu shadung hte kaga gaja shatang ndu ai nga chyu shadung garai nmu jep shapro nga ai.