Miwa gumsan mungdan numwon numla ubadi

(Shata 8 nhtoi 22 ya shani na matut  hti ai)
DO GABA 5 HKYE GARUM LADAT HTE UBADI LIT
№43: Dinghku gata ga-lo adup abyen hkat shing nrai nta msha ni hpe zingri zingrat re lam nga yang, machyi hkrum ai ni hparan shakre ya na hku mai hpyi shon ai, gat mare masha rapdo, mare salang rapdo ni hte shi nga ai rung dap na ni tsun je shingdang lom, tsun hting ram lajang ya ra ai.
Dinghku gata adup abyen hkat to nga ai lam hpe, machyi hkrum ai ni hpyi shon nna, gat mare salang rapdo ni tsun je shingdang kau ya na; Shawa wunli makop dap ni hkan je shingdang kau ra ai. Dinghku gata adup abyen shing nrai nta masha ni hpe zingri zingrat rai yang, machyi hkrum ai ni hpyi shon ai lam sha rai jang go, shawa wunli makop dap ni shawa wunli gon lajang adam jo tara ko hkan nna adam jo je yang lajang ra ai.
№ 44: Nta masha ni hpe mara gata e gabai kau rai jang, hkrum sha ai ni hpyi shon nna, gat mare salang rapdo, mare salang rapdo hte shi nga ai rungdap ni tsun daru, htingram lajang shakre ya ra ai.
Nta masha ni hpe gabai kau ai lam rai jang, hkrum sha ai ni hpyi shon nna mungchying sha tara jep rung ni tara ko hkan nna hkrum sha ai ni hpe bau maka jahpu, bau rem jahpu jo na hku dodan shakre ya ra ai.
№ 45: Num gahtap la num gahtap wa,dinghku gata ga-lo adup abyen hkat shing nrai nta masha ni hpe zingri zingrat, gabai kau rai nna mara jo ging sai ni hpe go, tara hte tup mara soi jo ra ai. Machyi hkrum ai ni shok lawa tara hta dodan da ai ko hkan nna mungchying sha tara jep rung de tinang nan sa mai shok ai; Shawa wunli makop dap ni mung tara ko hkan nna sa jep lajang ra ai, mungchying sha tara jep rung ni mung tara hte tup shok shon dat ra ai.
            (Ya na lang bai  matut  hti  ga)