NGANVUNG MAU MA YI SHIRAN GUNGDU IPYO TEN E GUNFBYVAN ZUPONG MA HINGLONG WO YU BE

wap ma lusik   Nganvung mau ma e gungdu ipyo ten su Yi Shiran, Bejin 2008zan gungdu ipyo ten byu e gungbyvan zuppong lo bilom ri, tenjin yuqge 200myi T53zvang e qinglvum zhang ma, 26myau 64 wo ri hinglong wo yu be.
 200myi T53zvang e qinglvum aqing gi lvomo 9qap 13nyi myin ri mingdan gungbyvan zhang ma gvut be. Yi Shiran wo yu e hinglong xi lvum gi Zhunggo gungtai pung bang xi cik ma wo e nambvat 49lvum hinglong ngvut be.
Xi da, Yi Shiran yuqge 400myi T53zvang e qinglvum zhang ma ri bilom be, asu e yvang sanghi lving zhang nanbvat 7 ma dut lui, zhetang qinglvum zhang ma amyang bilom loq.
Yi Shiran gi Yinjang ginwang Taipyin zhin Honglung wapung Laicun wa ma e muzui mingbyu e zoshang, xauer maqpyi no bo wu e mizho, iqi e noten byvam su ngvut le. 2005zan lvomo 3qap ma, Yi Shiran Yinjang ginwang gunglik gungtai gvut lui Sakung mau ma sanghi da pong e gungdu  ipyo ten byu e gungbyvan zuppong ma, hinglong lalvum、jilong 2lvum wo be; 2006zan lvomo 11qap Zhunggo gunglik gungtai gvut lui Malaixiya Yennan gungdu ipyo ten byu e gungbyvan zuppong lo bilom ri, hinglong lalvum、ngunlong 3lvum wo lui, Zhunggo lveng dvangkuq zung lui din qinglvum e T53zvang 200myi eq 100myi ma asik loqmu dum wo be; 2007zan lvomo 5qap ri, Yinnan ming gunglik gungtai gvut lui Kunmyin ma pong e nambvat 7cik gungdu ipyo ten byu e gungbyvan zuppong lo bilom ri, ngunlong lalvum、jilong lalvum wo be.