lungchon ginwang wuiwum mirop ma ngunze 234mun zang sum byvam be

wap ma lusik   Lungchon ginwang Zhanghong zhin lawam ma lvomo 8qap 1nyi ri, lvapchik mau mying le gvut maumo wo lui, wuimo zhe bying nvon wang lo mu, Lungchon ginwang myuqwa eq awui ayam wakau bve ma wuiwum mirop tunghui lui, ngunze 234mun zang sum byvam be.
Sanghi gva zving wu gvo ri, wui mo zhe lui myuqwa ma wuihong 620myi lo zang byvung pyoq be, myuqwa qo zang byoq e 3000fang myit, myuq wa modo qo lo zang byvung ten byvam e 260pyinfang myi, myuq awui ayam wakau yo muzui mingbyu yvum wuiwum tunghui e 96yvum, wakau mingbyu 125yvum wui eq zang um be, woqzvo zhang ma woq 164du wui eq zang um sat byvam be, byvet 450du lo byvung lo byuq be, howa yo zang um e 3400mu, banshoq zang sum byvam e gi ngunze gi 234mun zhe ra.
Wuiwum toq tang ma, ginwang dang wapdoq nvikbo Yang Shizhong、ginwang asuya wapdoq zau Li Zhenhon bve gi Mingbyu upkang rung、Myuqwa sairvang mu gon rung、Wuimu gon rung、Howa mu gon rung bve ma nvikbo suwun wui ri shui, mingwa sing je、myi mu gon je、bilik je shui lui hanhan yvang wuiwum zhiwo ma kat zhe lvum gvo e mai, wuiwum lo shui qi bigvo.