NGANVUNG MAU RUNGWAP KANGMO MAI JECUQ BVOI RI KILUM YU AGVO

wap ma lusik Zhunggo mingbyu gaifangjun jecuq bvoi 81zan ngaq e buinyi zhe lo u ma, nganvung mau rungwap kang mo mai jecuq bvoi ri kilum yu zuppong pong agvo.
Lvomo 7qap 29nyi napjvo ri, mau mingwa singwap mai nvikdving pung shuipung mu, Mukang mauyam zung zhepcha  zhang ma e jezau jezo bve ri lo so hui gvut agvo.Nvikdving pung Mukang mauyam zung zhepcha wap ma e arong mying long dvap dvo e wap ma e katlving wu agvo, nvikdving ngun 2mun eq waqsho、shicham bve wui chung mu lui jezau jezo ri yvumsing bvoi wang ngon gveq ga kilum dang e daijvo agvo. Je gung qut byvam be e bang eq yvangmoq e yvumbyu ri zung minggvun zuppong shuipong gvut agvo. Banshoq bang bvunlvai je mikon kon ngon gvun agvo, hau mai yvangmoq je gvut e kun so lai lo e qo ri dvau myitbun gvun gvut agvo.
Yinjang mauyam zung jepung mai lvomo 7qap 31nyi ri, hau zhiwo ma e Dangwapdoq eq asuya muzui nyi bang eq rungmu  byvam be e bang、jegung qut byvam rungmu zui nyi e  bang ri“8.1”zung minggvun zuppong shuipong gvut agvo.
Sakung mingwa singwap myimu gon pung mai jezau jezo e yvumbyu wui eq zung minggvun zuppong shui pong agvo.Yvumbyu wui jezau jezo bve ri nungtang ma girum nyi e jvezhu bun dik le ga daishitjvo gvut agvo.
Lungchon ginwang sutzum rung eq Lungchon ginwang mauyam zung jepung mai so hui lvum zuppong pong agvo.
Xijiro ma, Wandin mauyam zung zhepcha zhang mai je yvumbyu wui ri zang laha shui zo 、bolung shui bat qing lvum gvun gvut mu, “8.1”bvoi ri kilum yu zung minggvun zuppong shui pong gvut agvo.