Hkyin Kong Rung Yinkyang ko nnang non hkye hkrang muhtam lam sa matsun madun u ai

Datbung go mungdo gaba up Hkyin Kong Rung re ni nnang non hta hkala hkrum ai shawa masha ni hpe sa yu sagon ai rai nga ai.

Madu dap shiga Shata 8 nhtoi 22 ya jahpot, mungdo gaba pati rapdo mu madu tau, mungdo gaba up Hkyin Kong Rung Yinkyang ginwang ko du yu wa nna, nnang non tsin-yam hkye hkrang mu sa matsun madun u ai.
Nhtoi 22 ya shana de na-yi hkying 5 jan hta, mungdo gaba asuya ni Yinkyang ginwang ko tin shapun rai zuphpong gan hpo nna, mungdo, ginwang na ni “8.20”, “8. 21” nnang non tsin-yam hkye hkrang mu hte seng ai sat lawat ni tang shon shana ai madat la ai hte rau,  htom do na  tsin-yam hkye hkrang muhtam lam hpe mung jom dup hparan ton ma ai. Mungdo gaba up ningtau Zhau Gyen Fang zuphpong aju jum u ai.
Hkyin Kong Rung go ya yang na nnang non  tsin-yam hkye hkrang muhtam lam hpe lawu na myu lam 8 hku nna lajin dat u ai: 1. Nnang non  tsin-yam  woion shagrang sa wa na.  2.  Tsin-yam  sat  lawat  hpe  atsom jep shateng nna, kangka ai hte sum hkala hkra ai mu lam hpe tak son gaja na. 3.  Tsin-yam hkrum masha ni a nga sat nga sa lam hparan lajang ton nna, ladat hpaji myu lam magup la shapro nhtom, shawa masha ni a sak sumri hte sutgan rung rai hpa nhkrum nhkra hkra ama hkam sa wa na. 4. Nnang non jep maram mu galo gaja sa wa na.  5.  Tsin-yam hkye garum ai ja gumhpro hte rung rai ni hpe teng hkrak sha gon lajang shagrang sa wa na. 6.  Tsin-yam hkrum ai htom na ana htang mu hte hpong shingra zimra mu hpe galo gaja sa wa na. 7. Go maden zinghka dodan yo shada mu hpe tin shapun dodan masat sa wa na. 8. Puba hkam let tinang a mu tinang galo shakut re atsam hpe shagrau sharot sa wa na.