Myit mang langai       shawa bunghku atsam     

nnang non tsin-yam htang gasat

Mungdo gaba up Hkyin Kong Rung nnang non tsin-yam ginra de sa du nna, tsin-yam hkrum masha ni hpe Pati asuya a ako alo rai tsang lanu lahku ai tsora myit hte hkan gawan.

 Shata 8 nhtoi 22 ya jahpot na-yi 2 e chyen, Mungdo gaba up ningtau Zhau Gyen Fang, Hkunmyin de nna Yinkyang du bang wa ai hte lawan ladan tsirung de nnang non ko hkala hkrum ai shawa masha ni hpe sa gawan nna, tsin-yam byin masa ni san maram.

 Shata 8 nhtoi 21 ya hta, mungdo pati mu madu Jau Kyin Suden ginwang de htep lahti rai nnang non tsin-yam sa jep maram nna, tsin-yam hkrum masha ni hpe hkan gawan hkom.

Mungdo pati rapdo dinggrin mu gun rapdo salang, mungdo pati rapdo asat tara tek jep rapdo mu madu Li Sung Lin hte mungdo up ningtau Hkung Lagam mungdo gaba nnang non tsin-yam hkye hkrang magam hpung ni hpe Munglung ginwang do madung Jong gaji  na nnang non tsin-yam wa woi jep ma ai.

Sumpan ginsum gap nna nnang non tsin-yam masha ni hpe gan lakon ton.

“8.20” Nnang non non ai hpang, mungdo gaba nnang non htang maja tsin-yam shayom dap laksan ninghkring ni, nambat langai aten hta Yinkyang nnang non tsin-yam ginra de bungli sa woi shang hpang nna, Jansi gat mare Lannizhin gahtong ko wa jep maram du.

Mungdo asuya dinggrin mu gun rapdo salang, mungdo up ningtau Lu Wu San nnang non ginra ko tsin-yam mabyin ni sa jep maram.

Hking hte hkrak rot na jin jin.

Yinkyang ginwang ni nnang non ginra ko nnang non htang gasat muhtam zahpong hpo.

Byin mai ai atsam marai ma hkra hte ningma kap masha ni hpe tsi hkye mawai la.

Nnang non tsin-yam hkrum shawa masha ni hpe grai lawan nna nga shara ni hprai lajang ya.

Ginra ko sa nga ladi ai laknak sumro hpyen hpung ni kyet shop ai hte mungchying shawa masha ni hpe nga shara ningnan bai gogap ya.