Hkyin Kong Rung anhte mungdo ko nnang non tsin-yam jep yu hkom yang bungjat tsun ai:

Tsin-yam hkrum shawa masha ni hpe hkye mawai la na hpe madung ra ai

Mungdo gaba up Hkyin Kong Rung shawa masha ni hte tsin-yam hpang dum nta bai gogap na lam jom dup sumru nga u ai.

Madu dap shiga Mungdo gaba pati rapdo mu madu tau, mungdo gaba up Hkyin Kong Rung shata 8 nhtoi 23 ya shani Shuili, Nshon ko nnang non tsin-yam sa jep  gawan hkom u ai, tsin-yam hkrum shawa masha ni hpe sa yu gawan ai shaloi bungjat tsun ai: Atsang shagu pati rapdo, asuya hte seng ang rung dap ni yong go ginjo ningbo ni madun ai ko hkan nna, mungdo gaba pati rapdo hte asuya ni hprai dat ai tsin-yam hkye mawai mu ni hpe htep lahti rai  galo  sa  wa  ra ai.  Tsin-yam hkrum shawa masha ni gashung lakyi kosi hpang gara hkrum na hpe tut nong e myit hta bang ton nna tsang  lahku ra ai,  ya yang na ahkyak mu lit  madung go  tsin-yam hkrum sha- wa masha ni hpe tsin-yam sha ra ko na woi htot pru wa nna hkye tsang lahku la na mu rai nga ai.
Nhtoi 23 ya jahpot, Hkyin Kong Rung go mungdo pati rapdo mu madu Jau Kyin hkan shingnan ai gata hta, Shuili myu asuya rung nta, Shuili myu shawa wunli makop dap rung nta hten mat ai lam ni sa jep yu ma ai. Shani shingtung jan go chying chying nga ai ko, Hkyin Kong Rung go Jeseng ginwang do  Babye  ga- htong na tsin-yam hkrum shawa masha ni hpe sa yu gawan da nna mungdo gaba up tau Zhau Gyen Fang  re seng ang du salang ni hte rau Nshon ginwang Zhinhpyin ginwang do Kongrim gahtong ko bai sa du jep gawan hkom ma ai.
Hkyin Kong Rung madun shapro ai, Yinkyang nnang non tsin-yam hpe hkringmang daju Wun Kya Pau grai hkan tsang ai hte maren, gara hku galo sa wa na hpe ma madun shapro dat sai. Hkinmang daju tau Hui Leng Yi mung  nnang non  tsin-yam  hkye mu hpe bai madun shapro dat sai. Pati ginjo ko nna nnang non tsin-yam hpe tsang lahku lom ai go anhte mung htingrep nlo amyu sha  ni  nnang  non  tsin-yam hpe  manga  kau  lu na n-gun nan rai nga ai. Ya yang lawu de na lam 3 galo du ra ai: 1. Nnang non tsin-yam hta sum mat ai lam jep shateng. 2.Tsin-yam hkrum shawa masha ni hpe tsin-yam hkrum shara ko nna woi htot pru wa nna nga na, yup na, sha na, hpun na, lu na, ana htang tsi na du hkra lahku lanu. 3. Nnang non tsin-yam hta jong nta ni sum mat ai lam hpe kangka ai hte hkan jep shateng yu nhtom, jong nta hten mat nna nmai rong mat ai rai jang, lawan ai hte ladat gaja ni la shapro  nna jongma  ni jong lung n ninghprut hkra hparan ton na. 4.Nnang non tsin-yam ko hten grop mat ai nta buga ni hpe bai go maden la na mu ni magra sa wa na.
Hkyin Kong Rung bungjat tsun ai: Atsang shagu asuya ni gajong gaja rai pru ai mu ni hpe lawanladan rai lu hparan na n-gun atsam sharot la, tsin-yam hkrum ai hpang e ana brat wa na hpe htang maja, tsin-yam hkrum ai hpang e bum sharut gyi wa na hpe maja du,  tsin-yam hkrum shara na shawa masha ni myit zim ra na mu lam galo du rai ra ai.