Tsin-yam hkye rung rai yinkyang tsin-yam shara de hto sa dangam rai nga ai

Tsin-yam hkyehkrang garum rung rai ni hpe ndut ndang hto sa ya dangam rai nga ai.

Madu dap shiga Shi sok masha shata 8 nhtoi 13 ya shani Yinkyang ginwang asuya rung chyinghka lam hta mu ai, hpyen la ni tsin-yam  hkye  rung  rai  modo  ko mang she rai jom hpai bang nga ma nna, Munglung ginwang do Jung shan gahtong de hto sa hkyem nga ma ai.
Nhtoi  23  ya  shana  de  na-yi hkying 4 manit 30 du yang,Yinkyang tsin-yam manga kaman dap ko nna gam shapro dat ai sumpan ginsum 2860, basi nba 4400, bu hpun palong 1000, sugu nba 1500, n-gu dun 93, balasitik pa 126,  Miwa gumhpro manu mun 23 du ai tsi re ni hpe go tsin-yam hkrum shara de sa hto sa ya sai.
Seng ang du salang ni shachyen ma yang, rung rai ndai ni hpe go tsin-yam laja shara Suden, Munglung, Nongjang hte tsin-yam hkye kyin ai gaga shara ni hta sa sa ya na hku re.