luxi myuq bang nambvat 2da maumyi zhepgon mu yang za wo zui e lo agvo

wap ma e lusik Luxi myuq bang nambvat 2da maumyi zhepgon loqmu xi qap 5nyi mai  gvut e lo abi gvo, myoma myo ma e xangzhin bve ka zhepgon byu banwang nyi bum abi gvo.
Zhepgon bang wuixin alvo mai wu, sai liklai be e qo ri wu, midung e maumyi ma lo zhe wu le gvut lui adong dong yvang gvut zhe agvo. Xangzhin mau- myi gonwap eq zhepgon pung bang loqcoq lago chom coq lvum lui, maumyi yvang ma lago so zhe wu ri maumyi lvo soi toq, so zhe, zhe wu, myigon zhe, zhep soi toq ga dai dvo e dang mai chang lui, nambvat 2da maumyi zhepgon loqmu wo gvut dut ra dong gvut agvo.
Amu wun nvikbo wui, xangzhin bve ma zhepgon e lo qo bve lago sai lving gon gvun wu agvo. Luxi myuq maumyi 2da zhepgon wap mai ri, xi qap 14nyi ri Mangshi zhin zhepgon wu e qo lago dum sai zhep gon wu le gvut agvo, zui e lo e qo ma kasu gvut wuiyak e myang mu, zhepgon byu bve ri kamyvo wui e ngvut ri re loqmu xi tep za wo gvut dut ra qo shirang gveq ga agvo.       (Puqsu Mumvau)