maukung ri mau shut tuq dvoq gvat e mvomyi

Gokun, maukung eq myigung gi nvik- dvang ngvut gvo e ga, loq eq goqsan dveng zum zhvit lvum mu agvat aqo yvang lazo lashuq gvut ri chom nyi, muzui zhisai qo ri laha, kinvam ri agang lvum. Tang ma, maukung eq myigung jiro ma bui zhoq, lvo zhoq、jvi zhoq、sik、gaunyvui gaudvung nyi lo mai byu zhe le dum nyi bigvo ga, hau mai maukung eq myigung ri miyu ma e su gvut awo chom sup chom nyi gvun loq gvo ga. Yvang nvik bui、lvo、jvi、sik、byu eq gaunyvui ri awu nau dut lo gvo mai, lada dam jiro ma chom nve byvam ra paqzhvi toq mu, bui gi mau shut mai nve sat jo lo, myigung gi oshut mai nve doq lo gvut ri wum-o chom gvat lvum lo nyi bigvo ga.
“Ladam, idam,sumdam！．．．．．．”
Maukung eq myigung zhe ri zhe so    zhvang lvum lo nyi, bui、lvo、sik、jvi、gaungvui gaudvung eq byu bve ri nve zhving sat jo lo gvimu soq lvang rau awo she bum loq shoq.
Bui ri nve le zhe nve zhe nye, myoq-lvang ban ne shoq. Lvoq ri nve le zhe nve zhe yeng koi su goishoq, myoqlvang ban pyu shoq.
Jvizo ri nve le myi ma ban byit jo lo shoq, ladam dam zhe subve lan ma jo wang shoq.
Sik ri nve le ban goi nguq lo shoq, sik goigam bau akui zhe awo nyang bum.
Gaunyvui gaudvung bve byu ja laso gu, zang nve bum gvo mai, akui zhe ngom dvo mu so ra shoq.
Byu bve gi nvut gvuq ngatzing shoq maukung eq myigung jiro ri lvomtuq tang zing dvo mu, mang be bang gi gung ngong, dviq bang gi gung nyang dut jo lo gvo e ga.
Maukung eq myigung zai lada dum chom nve jvop sat jo lo gvo zhang.
“Ro, ladam, idam, sumdam......”
Wu dvo ri byu ri lvang rau dum nve goi zvung lo bum le ma, imyit lekdik e mangzo layuq, ze shi, paqzhvi rau atoq ri lau angvut loq ngvu mu, nvunglvang bang ri wutzving yu mu dai le gi:
Maukung eq myigung eq awo nve mvup byvam nvang nau zhang gi, maukung ri toq shut tuq dvoq byvam ra le, myigung ri gi o shut zik qo ra le ngvu gvo e mai, sik tuq bang gi tuq gvut ri, maukung eq myigung jiro ma  tuq gvang byvam bigvo ga.
Yvangmoq bui toq qam ma shi tuq dvoq gvat gvo e mai, buiwang qam ma dum tuq dvoq gvut gvo mai, maukung eq myigung gi layuq eq layuq goi lvum:
Nang hai mu wum gvat anve azhving e ngvu? Zai lada dum goi dai lvum le gi:
Awo dut awo tang ngvut ri, byu eq、myigung toq ma nyi bang sheq wum zhe bo agvo ngvut ra ngvu, maukung eq myigung myvo zum ra su nvik byu bve paqzhvi mai wo chom tuq gvang byvam byi gvo e ga.
                    (Gon gva su Mashong)