myvipo e sangqang

Ngimo myang zhang  bauqi  byvam,  sho-i wo zhang byinchang ri dvomyvi
Ngvoq mying ri ngon, byu mying ri  angon.
Howa sum zhang amyang zo, ucam myo ri shin nyi le.
Yoso ma nyvilvam dvo e nomyang howa adat zo, kup ma lvung dvo e no myang pong gvat ri gi howa zo le.
Byu ashi ri lanyi gi dat myang lvum eq, shi be gi kumdong ma za myvup dvo gvi-lvang amyang lvum loq.
Kamyvo zhvoi gu e myiwe zo ri  bvun  toq byvam ra zhvat, kamyvo azhvoi gu e yuqge ri myi myang yu le.
Sham yo wo byin toq le, byu guqzo muilvum dat gai toq le.
Advi zo shi ma ngunze kong ri gi yvumsing e, mang be ma myiwe yu ri gi subve e midvu.
Kayuq ri kayuq e bui awui gang, kayuq ri kayuq ri mu kamyvo awo lum.
Zo man e nvut lai wui le, dingo man e qi no wui le.
Shonyvom gvilvang bau adat bau, zui tan gvilvang zuibau dat bau le.
Mungsik du ri mungcau byvam.
Natgvau ri byu wam ji,waqzvo ri woqlut dau.
Dungdap e duize age langzo, subve gung mai jo e zo ri zosing age gvut.
Sham nyau su sham ma shi, myium nyau su myium ma shi.
Yuqge gi datmvau le, myiwe gi mvau lom le.
Myin le e myi gi gam lui le, nyi le e kaudung gam wui le.
Sho-i umtung ma dvo e kun gi byin chang zing le, kanzhui wing hut shuq e nyi gi buinum eq lvang amyang lvum.
Nolui zhi dvo e kun gi maungvang   ngvang, nogung toq mai lengjo e kun gi lagung e ten.
Myi nyau ri mu toq le, sham nyau ri suine myang le.
Zoshang nyau ri puilvup myang zo le, kui zo nyau ri  loq ma ngat le.
Bum labum ma lo idu age nyi, wa lawa ma zau izau age nyi.
Woqwaq zo ze luzo lvum ri o ri atot, byu zaulu lulvum ri o ri azut.
Nvikdvang myithui zhang yvumsing gung ma lai awang.
Su bve dvodvo e i ge shuq le, subve e
 myiwe age nyau.
Lu lo e zangjeq awo zoqo, subve e zau dvangkuq awo zung.
Shozo ishuq e nyi byu myit amyang, sho dvo e nyi sheq byu myit ri lamyang le.
Nat myo ri shi le, buinum myo ri byun le.
Zui gi lada tai le, gvang gi lada za bo le.
Nomyang wo bang e yvum ma e zoshang rvong e kiwu,myung bang yvum ma e zoshang wui lago zui e wu gveq.
Byu gi zau lu lu, kui gi qi luzo.
Nang ri bat su gi yvumsing byu, nang ri bing su gi subve yvum byu.
Myi ma zvuq dvo e zu ri awo gam, she toq e sham ri gi wo gam le.
Myiwe zo tang chang ri gi lang myang gvut le, pimyvi wui tang chang ri gi imyang shuq le.
Zautang chang ri zaumyang gvut le, dumsa tang chang ri sho myang zo le.
Ipe ri wui gvut myoq age chi, woq-u ri dan shi gvut age bik.
Zangzhup eq kui ri du ri kui gibu, guq eq woq ri du ri woq zhe danggo.
Guqtung su chin zhum kauzo, myidve su myisik eq kau qelvum.
                      (Gon gva su Mumvau)