Sumrai《Lohkum Ja Dim》 pru wa ndot ginjo de “Gyinma kumhpa” shingjong lom mat wa sai

Madu dap shiga Sakhkung mungdo kunghpan hpaji rapdo shali laika ka shalat hpung hpung up, sumrai ninghkring Hpan Ja ka shalat ai sumrai galu《Lohkum Ja Dim》 go daining na shata 6 pro de pru wa ndot, Yinnan mungdo gaba shali laika hpaji rapdo ko nna mungdan ningdo nlo amyu shali laika “Gyinma kumhpa” wa shingjong lom na matu, ginjo Miwa mung shali laika mu htam dap de shalai dat ya sai.
Sumrai laika ndai go, ginjo de mungdan nlo amyu shali laika “Gyinma kumhpa” wa lata shingjong lom na matu laksan ka shapro ai re. Yinnan mungdo gaba shali laika hpaji rapdo ni pru lit hkam, laika ka ninghkring Hpan Ja ka lit la gadi laika hta sen jom htu nna ka hkrat wa ai re. Gadi laika hta sen jom htu ngut ai hpang,  Hpan Ja go 2007 ning shata 6 ko nna ka bang wa nhtom, daining na shata 3 pro 4 ya shani ngut kre ai hte Yinnan mungdo gaba shali laika hpaji rapdo de ap nong kau dat nu ai.
Ndai Hpan Ja a sumrai galu《Lohkum Ja Dim》go, anhte Jinghpo Wunpong myu sha ni a labau hta, shaning latsa jan ning a shong e, Lohkum Ja Dim ngu ai zen kung tsom htap magrau grang marai rong ai shayi num sha langai mi, gumrong gumtsa woi galo nna, gumchying gumsa du magam htunglai ni hpe dom kau hkrat wa ai maumui hpe ka ai rai nga ai.
(Ka / dem ai: Htu Lung)