Anhte mungdo ni mungdo gaba na ubadi go sharot muhtam

Dat sumla hkrung chyenan zuphpong woi hpo madat yu ma ai

Madu dap shiga Shata 8 nhtoi 15 ya shani, anhte mungdo ni Yinnan mungdo gaba na ubadi go sharot muhtam dat sumla hkrung chyenan zuphpong woi hpo madat yu ma ai.
Zuphpong hta, mungdo gaba mungchying sha gasa zuphpong gaba dinggrin rapdo mu madu tau Yen Yu Hkyung hte mungdo gaba pati rapdo dinggrin rapdo salang, dinggrin mu gun mungdo gaba up tau Lo Jin Fu yan shong hpang rai anhte mungdo gaba ginra ubadi go sharot mu htam lam grau nna galo gaja na matu, myit lu lam hte lajin lam ni tsun shapro  ma ai.
Mungdo mungchying sha gasa zuphpong gaba dinggrin rapdo mu madu Yi Ma Yo, mungdo mungchying sha gasa zuphpong gaba dinggrin rapdo mu madu tau Wang Pau Zhen, Wang Sin Zhai, Kon Go Fang, mungdo asuya up ningtau Ma Wun hte mungdo mungchying sha gasa zuphpong gaba dinggrin rapdo muhtam dap shagu na mu lit hkam masha ni, mungdo asuya hte mungdo lapran tsang mungchying  sha  ubadi rung, mungdo mung -chying sha tara jep rung hkan na seng ang mu lit hkam masha ni hte Mangshi ginra na mungdo mungchying sha gasa zuphpong gaba dinggrin rapdo salang ni dat sumla hkrung chyenan jom madat yu ma ai.
Hpo madat yu ngut ai htom, Yi Ma Yo go anhte mungdo na ubadi go sharot dodan yo masat ton ai lam, ya dodan masat nga ai the dodan masat hkyem nga ai ubadi tara maka sat lawat re ni shana shabra dan ai hta n-ga, mungdo gaba na dat sumla hkrung chyenan zuphpong atsam hpe galo shatup sa wa na lajin lam ni no tsun shapro u ai.