Yuya la hte yuban majan bai shangai ai lam

  (Shata 6 pro 4 ya na do)
Amoi Yuya La shangai,
Yuban majan zinghkai yang,
Hpa re ta nga,
Hpan wa ningsang chye wa ningchyang e,
Wunchyen amying shamying,
Noigong magyep shading yang:
Ndai go ade,
Di dun laijum chye ai mi nga,
Wan wut laika chye ai mi pra yang,
Di dun maro ngu nna no na,
Wan wut laika dinghkong ngu nna jo na re.
Di dun ninghpang wa ninghton,
Wan wut ninghpang wa ningpon sai da.

Amoi Yuya La shangai,
Yuban majan zinghkai yang,
Hpa re ta nga,
Hpan wa ningsang chye wa nignchyang e,
Wunchyen amying shamying,
Noigong magyep shading yang:
Ndai go ade,
Mayat shing-yan wa chye ai mi nga yang,
Bu maro ngu nna no na,
Bai dinghkong ngu nna jo na re.
Manghkang hkot wa ninghton,
Gyi-neng sumpum wa ningpon sai da.

Amoi Yuya La shangai,
Yuban majan zinghkai yang,
Hpa re ta nga,
Hpan wa ningsang chye wa ningchyang e,
Wunchyen amying shamying,
Noigong magyep shading yang:
Ndai go ade,
Nhpro naura wang ai mi nga,
Nchyang naura shang ai mi pra yang,
Nhkye yidung nhkye yira e,
Roi ong maro ngu nna no na,
Ok at dinghkong ngu nna jo na re.
Raboi shalong wa ninghton,
Rashong shalong wa ningpon sai da.
   (Ya na lang bai matut hti ga)