LUXI MYUQ YOMU MAU SIK ZUI  SAI  ZHVAM WU MUZO GEWANG MYANG HI LO BE

    Wapma lusik Pongshira yomu mau sik zuisai zhvam wu muzo gewang myang hi lo be. Wokang mo zhvam wu zhiwa ma wabyu zuitoq, igvun ma ra ang ze lvoq rva bi mu, igvun doq bum lo bum be.
    Luxi myuq myvang dik mai aqak yu mu yomu mausik mu zuisai、“zuitoq lvoqring、igvun nyingon、wali ringjing、watum sanseng”ga dvo ma chang mu, ang dvo qo ma wumu hihi tangtang isum dam yomu mausik zuisai zhep gon samlik zuppong lui, wo samlik mai myuq gom ma misat dvo gvo gi ngun qom zing mu gam bum ngvap lui hanhan pong-shingra yomu mau sik zuisai ra mu qo misa yu toq dvo byi bigvo. Xang zhin kangmo yvumsing xang zhin eq ang ra ri wu mu, logidat eq ang dong sonhen、midung zhe myang ra qo zuitoq、 yomu mausik zuisai chang ra aqak ri lvoqdveng dvo be. Zhvam zui lo wa ma mingbyu wui zhe myit dvo, zhe ra dvo mangkoq mai piran wang lo, aqak dik mai chung mu, gaizo gaishuq zhang, qisho izhit zhang hi sai, laimai dat、izhvam、 qo rot ra bve mai zuisai mu, yomu zuimau sik han gvut zuisai wang lo be.Akui u, zhvam wu wa Fungpyin zhin Lvalau wa ma akui wo kang dvo be luqgok qo gi 1.12deng、wa jvo chang ma qo ma wo kang dvo luqgok qo gi 1.3deng, shiwa laili yvum、wakau lvoqzhvoi、gvimvut gvisut yubyvam mu qo ri hen lo nyi bigvo; Fapa wa kau bve ma byvilat qo kang ra ri 5.726deng, lai mai lvoqzhvoi、lvoqsan mu ri zui wang lo bigvo.     (Puqsu Zauzha)