WANDIN“YINNAN 10 LVUM MYING  HU  MYUQWA” ARONG WO BI BO BE

Arong zhvunghuq gam zuppong ma, Liu Wusan、Qenqang eq《Chunchin wanbau》 baushe nvikbo Liu Zuwu(loqyo qam sanghi yuq)chom bat bvong gvo e dat bung.

    wap ma lusik Aqing lvomo 3qap qin lvum e “Yinnan 10lvum myinghu myuqwa”,lvomo 8qap 27nyi myintang ri Kunmyin ma  pong dvom be, Wandin “Yinnan 10lvum myinghu myuqwa”arong ma wo bi bo be.
    Mau dang anum muwun wapdoq、Mingmau myuq dang wapdoq shuji Liu Wusan, Mau dang wapdoq kojvo rungmo mudve nvikbo Fang Gongmyin, Mingmau myuq dang anum muwun wapdoq、myuq mudve nvikbo、Wandin piga wuiloq gon lazhang wapdoq nvikbo Qenqang mu e nganvung mau ma e seng ang nvikbo wui ri arong zhvunghuq gam  zuppong ma zhi yu  be. “Yinnan 10lvum myinghu myuqwa”mvomyi lazhvum kik、laili paqzhvi gingdan e“hing laigva cham gva dvong dvo e arong long”waq chung bigvo.
    Arong zhvunghuq gam zuppong ma, zhvungzui su dai e gi: “Myenming eq wui lalang za jvo lvum dvo e Wandin gi, mizhan myinghui lai lo e myuq wa ngvut le, Dvenmyen modo qo、Nanyang jigung、Yenzhven je、Mungje、Shi diwui modo qo eq lazhung za minggvan ma ra hu e. Zhunggo mingsik wo cuq tang ma, Zhu Enlai zungli eq Myenden zungli loqcoq coq lui xi mai maujvo so toq sowang gvut wu e, Wandin zam gi labau sakse ngvut le.
    Xida le e“Yinnan 10lvum myinghu myuq wa”qinlvum qo gi Yinnan bauye jiton、Hungyin yencau jiton mai muzhvung zui lui, Chunchin wan bau bang mu hap zui yu. Hau nung ma loqsang sara 37yuq ri zhi yu, asuya wapdoq nvikbo wui、rungwap mugvung byu ri le bilom be. Mingbyu myit ri chang、loqsang sara myit e qo ri jo wu、banshoq bang eq chom zhepgon lo e abvun awang ma, 10lvum myinghu myuqwa chom qin toq dvo be.
                                          (Puqsu Mulat)