NGANVUNG MAU DAT UNUQ BYUNG ZHVINVAN MAI TEBYVO LUSIK GE PONG JO BE

Xi gi Mau dang wapdoq anum muwun wapdoq、Sakung jewap zhin wui Ma Fuchau dat unuq mai tebyvo lusik pong jo nyi ra.

    wap ma lusik Lvomo 8qap 25nyi myin tang ri, Sakung mau dang anum muwun wapdoq、Sakung je wap zhinwui Ma Fuchau gi dat unuq mai pong jo, suya wapdoq mudve nvikbo Liu Zhinhua gi zhvinvan mai“1183104”battoq gvat mu, Sakung mingbyu tebyvo wap lusik dat unuq byung eq zhvinvan mai shidaq ge pong jo lvum bi gvo.
     Sakung mingbyu tebyvo wap、Sakung mau lai dat zhvinvan gon rung mai pong e zhvinvan datbyung lusik pong jo zuppong ma Mau mingbyu gunglik gungtai anum muwun wapdoq mudve nvikbo Wang Bauqen、Mau dang wapdoq zhvire zau Dau Chenshen、Mau tung misa bongban wapdoq zhvire zau Gu Zhungren eq Mau seng ang rungwap nvikbo wui、Ming Mau lusik gva mizving byu le zhe bi lom be.
     “Dat unuq mai tebyvo lusik pong jo”eq“Zhvinvan tebyvo lusik pong jo”e xi gi, tebyvo qangshit gvumlva arot mu tebyvo lusik awo pong jo dut e mikang ri wo piran lui, tebyvo lusik yvumsing gung yam yvang ma ge pong jo yu be. Hi gu ri pong jo lo e tebyvo lusik toq ma zhaq  jai byuq be. Dat unuq byung mai tebyvo lusik pong jo eq zhvinvan mai tebyvo lusik pong jo e gi, laidat gvumlva muzui qo eq tebyvo lusik pong jo qo ma zhaq jai e mu bvong lakat, tebyvo lusik pongjo byu zhe wo lvoq myo, bummau ma qang lusik zhe wo rot zhe, mau gom pongshingra yomu mau sik zuisai lo qo ma gewang zhe gvo be.    
                              (Puqsu Mulat)