MUNGKAN  WUNPONG  RAPDO  CHYARE  DU   LAI HKYEM MASHA HPAN KYI WUN MOSIHKO KO SA DU GAWAN NNA HPU KYIN HKAP HKRUM SHAGA AI

Chyung sinshe mosihko shata 11 pro 1 ya shiga Rusha mung gumsan magam Hpu Kyin shata 11 pro 1 ya shani Hkelimulin kung hta mungkan Wunpong rapdo chyare du, dingda Koriya mung maigan makyit mahkai hpaga dap ningbo Hpan Kyi Wun hpe hkap hkrum shaga u ai.
Dai shara aten shata 10 nhtoi 31 ya shana, Hpan Kyi Wun mosihko ko sa du gawan ai re. Chye lu yang, Hpu Kyin hte hkrum shaga ngut ai hpang, shi go Rusha mung wunhpom rapdo tingnyang up Mi Lo Nofu, Rusha mung mungdan duma ahko ahkang dap ningbo Ge Lui Tsi lofu hte Ru sha mung maigan makyit mahkai dap La Fu Lofu hte mung no jom hkrum shaga hkat na hkyem nga u ai.
Hpan Kyi Wun Mosihko ko sa gawan ai bandung go madung go, Rusha mung asuya ni hte mungkan Wunpong rapdo sengang mu magam maga de na jom pong mu lam jom bong ginrat na. Hpan Kyi Wun madun shapro ai, gawan ai laman hta, lahkong maga go Koriya mung Bantau masa hte Iran mung akri laknak hkrit hpa manghkang jom bong ginrat na hkyem nga ai. Rusha mung shiga shabra dap ni tsun yang, Hpan Kyi Wun mungkan wunpong rapdo chyare du a hkum hku nna sa gawan ai majo, lahkong maga go mungkan Wunpong rapdo mu lam ni, Rusha mung mungkan Wunpong rapdo mu lam ni hta akyu galo shapro ai lam hpe madung dat nna jom bong ginrat na rai nga ai.
Hpan Kyi Wun go Rusha mung ni rap ra ai hte akri laknak hkrit hpa manghkang hparan ai mu lam hta akyu galo shapro ai hpe madang tso ai hku shakon shagrau dat sai. Dai hta n-ga, Rusha mung asuya ni akri  laknak hkrit hpa manghkang hparan, Koriya mung Bantau hte Iran mung manghkang hpran ai lam hta ahkyak ai, madung ai akyu galo shapro hkrat wa na matu mung no myit mada nga u ai.