Ma gasha ni hpe ganing rai nna myit pyo lai sharin ya na

Myit pyo ai go amyit amyu mi re hta n-ga, Lai amyu mi mung re. Myit pyo ai lai go mai sharin la nga ai. Ganu gawa ni sha myit lom yang, ma ni a myit pyo lai hpe lu sharin ya nga ai.
Ma ni hpe chye shangun ra ai: Ma prat hta go madu a prat tup na ten hta grau myit pyo dik ai ten lado re.
Manang ni hte ganon ra ra ai: Masha ni hte ganon ra ra go myit pyo wa na ahkyak lakung lama re. Ganu gawa ni ma ni hpe gaga ma gasha ni hte ganon shangun ra ai, shanhte gasup chyai ai hta mung mai hkan lom mai ai. Ganu gawa ni ma gasha ni hpe masha hte ganon mazum ai lam sharin ya ra ai. Ma gasha ni mano manang ni hte htap htuk ai hku ganon mazum hkrat wa na matu go, ganu gawa ni nan gaja ai kasi galo dan ra ai.
Ma ni hpe nmai mahko jahten kau ai: Mayu na hku tsun ga nga yang, sut su ai masha ni go matsan ai ni hta grau ngui pyo nga ai, rai tim ma gasha ni a matu tsun ga nga yang, sut su nna shanhte hpe ngui pyo shangun ai lam nnga nga ai, ma gasha ni hpe arai nau lo ya jang, shanhte a myit hta ngui pyo ai go arai lo lo lu ai hpe nga ai zon  non mat chye nga ma ai, rung rai lo nlo hpe hpa zon nnon ai ma gasha ni go arai shau shau sha lu tim ngui pyo dum chye nga ma ai, mahtang shanhte go shanhte a ta ko rong nga ai arai ni ko nna grau ningnan ai arai ni sa galo shapro, grau chye myit jasat rai nna, dai hta ngui pyo ai lam hkam sha lu nga ma ai. Dai majo, ganu gawa tai nga ai ni ma gasha ni hpe nau tsora dinglai kau ai, shanhte hpe bonu lo shamot, ta lo shamot re lam ko ngui pyo lu la shangun ra ai.
Myit sharong lam lo lo sharin ya ra ai: Ma gasha langai mi shi yu ra ai dat sumla hkrung po gram lai mat kun rai nna shana tup myit npyo mat rai chye nga ai, bai ma gasha langai wa go ra sharong ai lam lo ai ma nga yang, shi go laika yu mat shing nrai gasup mat rai chye nga ai, shingrai nna grai myit pyo lu nga u ai. Ganu gawa tai nga ai ni tinang a gasha hpa hpe sharong ai re lam nchye ya ai raitim, myu magup re shamu shamot ni hprai ton ya nna, chyam yu ra ai. Lam mi hta galo hkrat wa ai grai gaja ai ma gasha ni a matu tsun ga nga yang, shanhte hpe sharong ai lam shalo ya ai grai ahkyak nga ai. Dai nrai jang shanhte maga mi ko sha myit jung sharong mat nna, gaga lam hpe go hkra di kau rai chye nga ma ai.
Ma gasha ni hpe da-krin da-lang myit rong na matu sharin ya ra ai: Myit ngui pyo ai masha ni mung gaga masha ni hte maren, myit shuk ai ten nga chye nga ai, rai yang shanhte grai lawan ai hku nna bai chye awai la lu nga ma ai. Masha hkum shagu ni madu a myit npyo ai sharai la ai ladat nga nga ai, rai yang nkau mi go n-gaja nga ai, ga shadon: Dinghku gata na rung rai ni dingsa ai, rai yang ning re go shi hpe myit nlu shapyo ya nga ai. Ganu gawa tai nga ai ni tinang a gasha hpe dam lada ai myit rong wa na matu sharin jahprang ra ai. Ma gasha ni hpe mu gaga galo nna pot ai masin shakop kau na ladat sharin ya ra ai, ga shaddon, mahkon madat, gasup chyai, ganon manang ni tsun ai ga madat la, shingrai nna shanhte hpe yak hkak ai ko nna lot pru wa shangun ra ai.
Ngui pyo ai dinghku de ra ai: Ma gasha ni hpe ngui pyo shangun lu na matu, ladat gaja langai mi go ganu gawa ni mung ngui pyo ai hte nga dan ra ai, ngui pyo ai nta dinghku hta pra hkrat wa ai ma gasha ni go, ya shanhte gaba wa ai galoi mung ngui pyo lu nga ma ai.