NGANVUNG MAU DANGZHEN KATLAM WU PUNG DVALI MA LO KAT LVING WU AGVO

Liu Yipyin pung nvikbo gvut e nganvung mau dangzhen kat lving wu pung, 10qap 18nyi mai 21nyi zhe Dvali ma lo chom lving wu agvo.
     Dvali mau bang kasu gvut zuiring shagut lo gvo e qo lo wu mvoq yu ra qo, Mau dang wapdoq、Mau suya wapdoq mai byu shui zving ri laming e lo kat shui yongwu agvo, midung gi shehui zhu-i yomu mau asik qeqe zuiring lo e qo eq laili paqzhvi lamyong gvun loqmu zuiring e lo e qo myo kat wu agvo ngvut ra.
   Mau dangzhen nvikbo wui gi Yi Ma-yo、Gung Jinzhen、Li Songlin、Li Shinshun、Ten Dvayi、Ma Fuchau、Wang Shinmyin、Yang Yaugo、Wang Bauqen、Zhau Japui、Liu Shauhong、Wang Shincai、Yangyi、Fang Wunqin、Gung Yinlin eq ginwang myuq nvikbo、senglvum e rungwap ma e nvikbo mu e bang chom dvoq agvo.
    18nyi myintang ri zhe bigvo. Dvali nvikbo wui zang shui zo le gvut lago lvom kungga dve yu agvo.
    Dvali mau suya wapdoq nvikbo Zhau Lixong, Mudve nvikbo Hong Yunghua,mau dang wapdoq mudve nvikbo Zi Goshun, Mau mingbyu gunglvik gungtai wapdoq mudve nvikbo Don Keqren, Tung dvira bongban wap mudve nvikbo Sunmyin mu e nvikbo wui byinchang gvut laming e bichang lving agvo, Dvali Lungshan mau zvang wapdoq rungwap、Yinnan lifan jinma cheliangyushen gungsi seng、Mingbyu gungbvan rung、Dvali guchen(myuqcau)、Hudeq qen、Dvali myuq Xizhu zhen Zhuchen cun、Zungshesi、Heqin ginwang myuq、Heqin ginwang Xinhua cun、Eryen ginwang Direqgo、Xin xiwang yinnan denchon deqqen ruye yushen gungsi seng mu e bve ka ma kat shui lving wu agvo. Nvikbo wui zhiwo yvang ma myoq eq kat wu、no eq daijvo e lago jo yu、dum chom minglvum gvut e mai, Dvali mau kasu ngvut e kasu gvut zui shagut gvo e seyu bigvo. Isu gvut lui laqo e wu mvoq, laqo e unuq lving, yvumsing mau eq gvedvu wu le gvut e mai, subve e gewang myang, nganvung ra dvo e qo ri son se be, xi po mai nvikbo wui myit wo lai ri lakat son wo mu gi, lago sai shigut e lo ra myit ri zhe bo bigvo.
    21nyi napjvo ri, imau bang lago chom zung jo ri chom ming gvun agvo. Zhau Lixong nvikbo kat lving wu pung ri yvangmoq mau kasu ngvut e lago qom ming jvo ra. Xi mai, Liu Yipyin nvikbo ri nganvung e mau kasu ngvut e yvangmoq ri lago qom daijvo ra.
    21nyi myintang, katlving wu pung yvumsing mau zhe lo be.
                     (Puqsu Mumvau)