Mungdo  gaba  naimam dap dap up Su Hkyen Chyung anhte mungdo ko sa jep gawan  matsun  madun  u  ai

Sumla hta Su Hkyen Chyung ni Funghpyin mungdan mam dum ko sa gawan nga ma ai.

Madu dap shiga Mungdo gaba naiman dap dap up Su Hkyen Chyung, ningtau up Ma Hung Yau go, shata 10 nhtoi 19 ya hta anhte mungdo ko sa jep gawan matsun madun ai shaloi lajin dat ai, naimam mung “Hkaimu lam masum ” hta akyu jashon ra ai nga ma ai.
Yang Nong shon shana ai lam madat mara la ai hpang, Su Hkyen Chyung  gram galai hkrat wa ai lam hpe shakon shagrau u ai. Shi tsun ai, Sakhkung mungdo naimam dap ni gram galai hkrai wa ai lam hta, yakhkak jamjau let hkom hkrat wa ai rai yang, ya daini ningnan ai akyu yi-ngam mu mada sai. Naimam dap na ningbo ni myit hkrum mang rum rai galo hkrat wa ai majo, mungdo ting hta mying danhkong dik ai Jahpang mam hkai shapro ton sai. Sakhkung mungdo na naimam dap ni madu a magam bungli hpe majan ra ai hta n-ga, ningtuk pat shingdang na hte aizi ana sadi maja ai majan mung no shang lom ra nga ai, shing rai kyin ai gata hta raitim, magam bungli hpe nhprai hkra galo lu ai go grai nloi ai bungli re. Shi lajin tsun da ai, naimam manu nrong wa, lu la ai naimam nlo hkro re manghkang gata hta,  naimam dap ni gat yang de na masa lam atsom hkan jep yu nhtom, naimam dut shalai lam ko pat to nga ai manghkang hparan kau ra ai hte rau, naimam hpe “Hkaimu lam masum” hta akyu jashon ra ai nga u ai.
Mungdo naimam dap ko ra gadon nga ai mangkang hte ja gumhpro hpe, Su Hkyen Chyung go lahta de shana nna lawan hparan dat ya na nga u ai. Yang Nong hkan shingnan ai gata hta, Su Hkyen Chyung ni Lusi naimam dap, Funghpyin mungdan mam dum re hkan sa gawan hkom ma ai.