Miwa mung shangai shaprat yo shada rapdo ningtau ningbo si shau hpyin anhte mungdo ko  sa  jep  sumru  du  ai

Si Shau Hpyin Yinkyang ginwang shangai shaprat yo shada dap hta "Miwa mung shangai shaprat yo shada rapdo Aizi ana hpang hko shabra mu" galo hkrat wa ai lam jep yu nga ai.

Madu dap shiga Miwa mung shangai shaprat yo shada rapdo pati hpung mu madu, rapdo ningtau ningbo Si Shau Hpyin go mungdo gaba shangai shaprat yo shada rapdo chyare du Li Gui Fang e shingnan tai ya ai gata hta, shata 10 nhtoi 16 ya shani ko nna 18 ya laman hta anhte mungdo na shangai shaprat yo shada rapdo mu lam sa jep sumru du nga ai.
Si Shau Hpyin ni go kyet shop ai hte mungdo dagu sut, ja sutgan hte hpong shingra rot zinghka mat wa ai lam ni hte ndai hte ning rai wa yang mungdo ting na shangai shaprat yo shada rapdo ni a mu galo shamu shamot masa lam madung tang shana dan ai madat la sai; Mungdan shangai shaprat yo shada rapdo ni Yinkyang, Shuili hta hprai ton ai "Miwa mung shangai shaprat yo shada rapdo Aizi ana hpang maja hko shabra mu lam" hte "Mungkan wunpong rapdo masha jahpan akyu gumhpro gahkyin rapdo ni shangai shaprat hking hkamja akyu htam mu hte mung jarit hkan lai wa lai sa re ram ma ni hta Aizi ana hpang maja mu lam" galo mat wa lam hpe madung dat nna jep sumru yu masai. Si Shau Hpyin go Yin- kyang ginwang, Shuili myu shangai shaprat yo shada rapdo a mu galo mat wa lam hte mu lam galo sa wa ai masa ni hpe jep yu, Shuili Jegau mungdan chyinghka lam ginra, Mungmau gat mare Ruifung ginra mu lam ni sa jep yu rai sai. Tang shana ai madat la, galo shara hta sa yu la rai nna, Si Shau Hpyin go anhte mungdo masha jahpan yo shada mu hte rapdo ni hpe shagrin dat ya sai. Ya hpang de na mu lam ni hte seng nna, Si Shan Hpyin madun shapro ai: Gumhpro jahkrup la nna, galo ra ai mu lam ni galo hka ja mat wa na.