Gat ya ra gadon masa hta hkan nna

YINKYANG  HTA  NOIKRAT HPUN HKAI JAT NGA AI

Madu dap shiga Gat ya ra gadon masa hta hkan nna, Yinkyang ginwang ni kyet shop ai hte hkaimu masha ni hpe noikrat hpun hkai jat shangun nga ai, 2005 ning ko nna matut ndi rai hkai jat mat wa sai.
Mungkan noikrat manu rot mat wa ai hta hkan nna, anhte mungdan noikrat ra gadon lam mung matut ndi rai jat gaba mat wa nga ai. Ning re hpaga masa hta hkan nna, Yinkyang ginwang ni maning Na-bang gat mare hta nli ningnan noikrat mu 2500 hkai jat dat nna, nli ningnan noikrat hpun hpe mu mun 4.3 ko hkai shadu dat sai. Daining Mang-yin ginwang do Lapyin mare hta noikrat hpun bong mu 25 ban ton lu sai.